CNN
Cable News Network kurte CNN (pron.: si-en-en) esas Usana reto di kablo-televiziono fondit en 1980 da Ted Turner. Ol esas proprietata da Warner Bros. Discovery. CNN esis l'unesma 24-hora novajo-kanalo.
La 31ma di decembro 2016 CNN atingis 92,3 milion menaji en Usa. Internacione ol atingis plusa 300 milion menaji, totigant olua atingo a 400 milion menaji. CNN Worldwide kontas plu kam 20 novaj- ed informo-servi qui difuzesas per kablo, radiofono, satelito, telefonilo ed interreto en plu kam 200 landi. CNN havas deki de kontori, interaltre en London e Hong Kong.
