Ketusi's Blog

სასწრაფოდ მოიშორეთ ისინი!

რა თქმა უნდა, თითოეულ ჩვენგანს სმენია, რომ სანამ რაიმე ახალი მოვა, რაღაც ძველი უნდა წავიდეს. და ხდება ისე, რომ ეს „ძველი“ წამლავს ჩვენს ცხოვრებას და ჩვენ, ამის გაცნობიერების გარეშე, მას სასიკვდილო ხაფანგით ვიჭერთ. თუ ფიქრობთ, რომ თქვენი ცხოვრება სავსეა ნეგატივით, იმედგაცრუებით და უსუსურობის შეგრძნებით, მაშინ ეს პოსტი დაგეხმარებათ! დაგეხმარებათ, რომ თქვენი ცხოვრება შეცვალოთ და ახალი ფერებით აავსოთ !

მაშ ასე–13 რამ, რაც უნდა შეცვალოთ თქვენს ცხოვრებაში:

1. ნუ ცდილობთ ყოველთვის დაამტკიცოთ, რომ მართალი ხართ. შეეგუეთ და მიიღეთ განსხვავებული თვალსაზრისი! დაჟინებით მტკიცება, რომ მხოლოდ თქვენ ხართ მართალი მოგიტანთ ტკივილს და სტრესს, რადგან უფრო მნიშვნელოვან რამეს დაკარგავთ — კარგ ურთიეერთობებს! ამიტომ დაივიწყეთ ეს ჩვევა!
2. შეეშვით კონტროლს. მზად იყავით უარი თქვათ იმის აუცილებლობაზე, რომ მუდმივად აკონტროლოთ ყველაფერი, რაც თქვენთან ხდება – სიტუაციები, მოვლენები, ადამიანები და ა.შ. იქნება ეს ოჯახი და მეგობრები, კოლეგები თუ უცნობები ქუჩაში – უბრალოდ მიუშვით სიტუაცია.
3. შეეშვით დადანაშაულებას. გათავისუფლდით სხვათა დადანაშაულებისგან იმაში, რაც გაქვთ ან არ გაქვთ, იმაში, რასაც გრძნობთ ან არ გრძნობთ. შეწყვიტეთ ენერგიის დახარჯვა და აიღეთ სრული პასუხისმგებლობა თქვენს ცხოვრებაზე.
4. შეწყვიტეთ უარყოფითი საუბარი საკუთარ თავზე. ამდენი ადამიანი ზიანს აყენებს საკუთარ თავს მხოლოდ იმიტომ, რომ ისინი უარყოფით აზრებს და ემოციებს აძლევენ თავიანთი ცხოვრების გაკონტროლების საშუალებას. ნუ ენდობით ყველაფერს, რასაც თქვენი ლოგიკური, რაციონალური გონება ამბობს. პირიქით, იფიქრეთ, რომ იმაზე უკეთესი ხართ და შეგიძლიათ იმაზე მეტი, ვიდრე ფიქრობთ.
5. შეეშვით წუწუნს. განთავისუფლდით მუდმივი მოთხოვნილებისგან, იჩივლოთ ბევრ რამეზე – ადამიანებზე, სიტუაციებზე, მოვლენებზე, რომლებიც გაწუხებთ, რის გამოც სევდა გიპყრობთ. ვერავინ ვერც გაგაბედნიერებთ, და ვერც ვერავინ შეგაწუხებთ.
6. შეეშვით კრიტიკას. შეწყვიტეთ თქვენგან განსხვავებული ადამიანების და მოვლენების კრიტიკა , რომლებიც არ აკმაყოფილებენ თქვენს მოლოდინს. ჩვენ ყველანი განსხვავებულები ვართ.
7. ნუ ცდილობთ სხვებზე შთაბეჭდილობის მოხდენას. მოიხსენით ნიღაბი, მიიღეთ და შეიყვარეთ თქვენი ნამდვილი მე.
8. ნუ ეწინააღმდეგებით ცვლილებებს. ცვლილება ნორმალურია, ჩვენ გვჭირდება ის A წერტილიდან B წერტილამდე მისასვლელად. ცვლილება გვეხმარება უკეთესობისკენ შევცვალოთ როგორც ჩვენი, ასევე გარშემომყოფების ცხოვრება.
9. ნუ აკრობთ იარლიყებს. შეწყვიტეთ ადამიანებისა და მოვლენების მარკირება, რომელთა შესახებაც არ იცით ან უბრალოდ მათი არ გესმით. თანდათან გახსენით თქვენი ცნობიერება რაღაც ახალისთვის.
10. გაუშვით წარსული. ვიცით, რომ რთულია. მით უმეტეს, როცა წარსული უფრო მოგწონს, ვიდრე აწმყო, აი მომავალი კი ცოტა გაშინებთ. უბრალოდ მიიღეთ ფაქტი, რომ აწმყოში ხართ.
11. გათავისუფლდით შიშებისგან. შიში მხოლოდ ილუზიაა, ის არ არსებობს – ის თქვენ შექმენით. ეს ყველაფერი თქვენს გონებაშია. შეცვალეთ თქვენი შინაგანი დამოკიდებულება და თქვენი გარეგანი დამოკიდებულება თავის ადგილზე დადგება.
12. შეეშვით თავის გამართლებას. ფარდა ახადეთ საბაბებს და გაგზავნეთ ისინი პენსიაზე. ყველაზე ხშირად თავს ვიზღუდავთ მრავალი საბაბის გამო.
13. ნუ იცხოვრებთ სხვა ადამიანების მოლოდინების შესაბამისად. ძალიან ბევრი ადამიანი ცხოვრობს ცხოვრებით, რომელიც მათი არ არის. ისინი ცხოვრობენ ისეთი ცხოვრებით, როგორც სხვას მიაჩნია, რომ მათთვის უკეთესია. აკეთებენ იმას, რასაც მათი მშობლები, მეგობრები, მასწავლებლები, მთავრობა და საზოგადოება მოელიან მათგან. ისინი უგულებელყოფენ თავიანთ შინაგან ხმას, შინაგან მოწოდებას. ისინი იმდენად არიან დაკავებულნი სხვა ადამიანების მოლოდინების ასრულებით, რომ კარგავენ კონტროლს საკუთარ ცხოვრებაზე. მათ ავიწყდებათ ის, რაც მათ ახარებს, რა უნდათ… და საბოლოოდ ავიწყდებათ საკუთარი თავი, თქვენ გაქვთ ერთი სიცოცხლე. ეს ხდება აქ და ახლა. იცხოვრეთ ისე, როგორც გინდათ, მოუსმინთ თქვენს შინაგან ხმას და არ მისცეთ უფლება სხვის აზრს გზიდან გადაგიყვანოთ!

იმედი მაქვს, გამოგადგებათ ეს რჩევები!

ყველას ბედნიერებას გისურვებთ!

შენ არასდროს შეგიძლია დაგეგმო მომავალი წარსულით

– ედმუნდ ბურკი.

ადამიანს, როგორც გონიერ არსებას ყოველთვის აქვს მოთხოვნილება იცოდეს, თუ როგორი იქნება მისი მომავალი. ის მუშაობს დღეს, რომ შექმნას მისი მომავალი, თუმცა ჩვენ დროში ყველაფერი გართულდა!

ტექნოლოგიურმა ბუმმა და სოციალურმა პრაქტიკებმა შეცვალა ჩვენი რეალობა. ნათელი გახდა, რომ ჩვენი მომავალი სულ სხვაგვარი იქნება. ჩვენი შვილები კი, თითქოს უკვე სხვა პლანეტაზე იცხოვრებენ. თუ ადრე წარსული იყო საფუძველი, რომ გვეწინასწარმეტყველებინა მომავალი, ეხლა წარსული აღარაა გარანტი იმისა, რომ გვექნება წარმოდგენა მომავალზე. ყველაფერი , რაზეც ოცნებობდნენ ფუტუროლოგები და წერდნენ ფანტასტები–უფრო სწრაფად მოხდა, ვინემ ვიფიქრებდით.

“ნებისმიერი შემოქმედების უმაღლესი ამოცანაა არაჩვეულებრივის პოვნა ჩვეულებრივში და ჩვეულებრივის ფანტასტიკაში” (დიდრო)

ვინც მიცნობს, იცის რომ შემოქმედი ადამიანი ვარ,,,არც კი ვიცი როგორ ვახერხებ დროის გამონახვას შემოქმედებისთვის! მაგრამ მხოლოდ მაშინ ვქმნი, როდესაც ამის განწყობა მაქვს, აუცილებლად კარგი განწყობა! ამიტომაცაა, რომ ჩემი შექმნილი ნივთები პოზიტიური ენერგეტიკით სავსენი არიან!

გახსოვთ ალბათ, რამდენი ნამუშევარი მაქვს დეკუპაჟის სტილში, ბოთლების რამდენნაირი დეკორი გავაკეთე. აი ლინკიც! ადრე დადებულ პოსტში მოგიყევით რამდენი ტიპის ხელაქმე მეხერხება,,

სულ რაღაც ახალის ძიებაში ვარ, მიყვარს ახალი ტექნიკის დაუფლება, განვითარება!

ასე მოხდა წელსაც! აღმოვაჩინე,რომ ყველასთვის კარგად ნაცნობი გირჩებისგან საინტერესო რამის შექმნა შემეძლო!

ბევრი ხელოვანი მუშაობს გირჩებზე, მაგრამ მე–მე ვარ! და მე შევენი ჩემი ექსკლუზივი! ეს არის ჩემებურად გადაკეთებულ ქოთანში მოთავსებული გირჩებისგან დამზადებული ყვავილები!..

აი ჩემი პირველი ქმნილება ამ სტილში! პირველივე არაჩვეულებრივი გამოვიდა, იმედია , დამეთანხმებით!

დიასახლისობა ყოველთვის მიყვარდა!

ამ ბოლო დროს იმდენი დრო არ მაქვს, მაგრამ მაინც ბევრს ვახერხებ,,ეხლა ზამთრისთვის კონსევების მურაბა-ჯემების სეზონია და არც მაგას გამოვრჩი, ბევრი რამ გავაკეთე და ამიტომ ბლოგზეც დავწერ.

ამის წინ გავაკეთე მოხუფული წითელი ბულგარულის სალათი, სატენიანი,,,ისეთი კარგი გამოვიდა, ლამისაა უკვე გავხსნა ქილა!

რა თქმა უნდა რეცეპტს ვდებ!

ძალიან პიკანტური გემო აქვს —მოტკბო, მომჟაო, მომწარო!

უხდება შემწვარ კარტოფილს, პიურეს, ვერმიშელს, მაკარონს, ლობიოს.

მაშ ასე!

დეკუპაჟი — ნივთის დეკორირების თავისებური ტექნიკაა, რომელიც მრავალ სტილს და შესრულების ტექნიკას მოიცავს.მე ხელოვნების ამ სფეროთი ამასწინათ დავინტერესდი. ვცადე კიდეც და შემიძლია ვთქვა, რომ ჩემი ჰობიც გახდა. ჯერ დამწყები ვარ და დიდ დროს ვუთმობ გამოცდილ დეკუპაჟის ოსტატების სტატიებისა თუ ვიდეოების ნახვას,რაც უამრავია ინტერნეტსივრცეში!
უშუალოდ დეკუპაჟი ნივთზე დეკორატიული ხელსახოცის, სპეციალური დეკორატიული ბრინჯის ფურცლის ან სურათის დაკვრის ტექნიკაა,თუმცა ის კომბინირებულია სხვა ტექნიკასთანაც, როგორიცაა: ნივთის დაძველების ეფექტი, დეკორატიული გაწუწვა, ხორკლიანი ზედაპირი, დატანილი ორნამენტი საღებავით ან 3D ეფექტის შექმნა,კონტური, მძივებით მორთვა, ბრჭყვიალების გამოყენება და სხვა მრავალი.
მოკლედ, მთავარია გქონდეთ სურვილი, ფანტაზია, აკურატულობა, გემონება და დრო— ნებისმიერ ტექნიკას დაეუფლებით,მეტსაც გეტყვით– თქვენსასაც შექმნით!
ასევე მრავალფეროვანია ის მასალა, რასაც დეკუპაჟს მეშვეობით შეიძლება ვაფორმებდეთ!
მე ამ სტატიაში არ მინდა ჩამოვწერო როგორ და რა გააკეთოთ, უამრავი ვიდეო რგოლია ინტენეტსივრცეში, როგორც უკვე დავწერე,,,მე უბრალოდ ჩვენი ქართველი ხელოვანებისთვის მინდა დავწერო, თუ რითი დაიწყონ, რადგან საქართველოში ხელოვნების ამ დარგას ჯერ ფეხი მყარად არ მოუკიდებია, ცოტა ადამიანია ამ საქმიანობით დაკავებული, არადა დარგი იმად ღირს, რომ ბევრი ხელოვანი ყავდეს!
განაგრძე კითხვა

ცოტას გაგაცინებთ:

რამდენიმე თვის წინ (აი, გაგანია მოსმენების ამბებზე,) ოფისში ამოდის ერთი ხნიერი ბატონი.ჯერ რაღაც იკითხა და ვუპასუხე,მისამართი შეეშალა. მერე კითხულობს: “ბიძია,აქ რას ვაჭრობთ?” , “ვიდეოსამეთვალყურეო სისტემები გავქვს, ბატონო”,,,მამაკაცი დაიძაბა,გაიტრუნა და ჩურჩულით მკითხა : “ეხლა ჩვენ გვისმენენ?” ,,,ძალიან დიდი ძალისხმევა დამჭირდა, რომ არ გამცინებოდა,,თავაზიანად მივუგე  — ” რას ამბობთ, ბატონო, ჩვენი ორგანიზაცია ყიდის და ამონტაჟებს სათვალთვალო კამერებს, მაგალითად, მაღაზიებში რომ კიდია”,,,უნდა გენახათ როგორ ამოისუნთქა ადამიანმა,,,თითქოს ის იყო და ატომურ იარაღზე საიდუმლო უნდა გაემხილა და მოსმენის შეეშინდა 🙂 რა ქნას 🙂

მოკლედ, მიხვდით ალბათ ჩემი საქმიანობის სფერო რას ეხება,,,აგერ უკვე წელიწადნახევარია რომსატში ვმუშაობ და განრიგის და სხვა საქმეების გამო ისე ვარ დაკავებული, რომ აქამდე ერთი პოსტი ვერ მივუძღვენი  ჩემ სამსახურს. ეხლა კი მოვიცალე, თან კლავიატურაზე ჩემი წკაპუნი არავის უშლის, მარტო ვარ ოფისში 🙂

ოფისში საკმაოდ მშვიდი და მეგობრული გარემო გვაქვს, ძალიან კომფორტულად ვგრძნობ თავს,,,დაკისრებულ მოვალეობასაც კარგად ვართმევ თავს. ჩემი პოზიცია ოფისში — მენეჯერია…ერთადერთი რთუი ჩემ სამსახურში–გზა არის,,,ძალიან ვიღლები გზაში,რადგან ქალაქის ერთი ბოლოდან მეორეში მიწევს გასვლა,მაგრამ შეღავათსაც მიკეთბენ, 10 საათის ნაცვლად 11-ზე ვიწყებ მუშაობას 🙂

განაგრძე კითხვა

ყველა ჩვენთაგანი ვიზიდავთ (ან უკუვაგდებთ) განსაზღვრულ ადამიანებსა თუ სიტუაციებს.თუ მიიჩნევთ, რომ ბოლო დროს თქვენ იზიდავთ არა იმას, რაც ან ვინც გინდათ — სასწრაფოდ რაღაც უნდა შეცვალოთ!სცადეთ დაიწყოთ სახლის ენერგეტიკული ფონის შეცვლით,ამით თქვენს ცხოვრებაში ბედნიერებასა და წარმატებას მოიზიდავთ.

ჩვენ სამყაროში ყველაფერი ურთიერთკავშირშია.ამგვარად, ჩვენს შინაგან მდგომარეობას განაპირობებს გარე გარემოებები.თქვენს ემოციებს,გრძნობებს,განწყობებს შესწევთ უნარი თქვენს გარშემო შექმნას შესაბამისი ინფორმაციული ველი,რომელსაც ექნება ზემოქმედდება იმ ადგილზე, სადაც ხშირად იმყოფებით,მაგალითად თქვენს სახლზე.შემდეგ კი ამ შენობის აურა იმოქმედებს იმ ადამიანებზე, რომლებიც იქ ხშირად იმყოფებიან ან ცხოვრობენ.

განაგრძე კითხვა

სტუმრის პოსტის სტატუსით გთავაზობთ ეზიაროთ ნინო კობაიძის პოეზიას,,,,

ქალბატონ ნინოს ერთი წიგნი უკვე გამოცემული აქვს და სულ მალე გამოქვეყნდება კიდევ ერთი ლექსთა კრებული.

ბორბალი

სიჩუმე ზოგჯერ რა სანატრელი,

ზოგჯერ კი არის აუტანელიც,

ერთი ესაა, ფიქრი არ გვტოვებს

ახდენილიც და აუხდენელიც.

ბედის ბორბალი მუდამ ტრიალებს,

არ გაჩერდება, სანამ იქნები,

სულ არ ადარდებს შენი კივილი

მაინც არ ტოვებ, გვერდში მიყვები.

მალე სიბნელე სინათლეს შთანთქავს,

ჩაეწურება ესე საღამოს,

მოიძებნება სადმე მავანი,

რომ თავის ნებით ვინმეს აამოს?

განაგრძე კითხვა

სააღდგომო თემატიკაზე რამდენიმე პოსტი მაქვს და დარწმუნებული ვარ, ეს პოსტიც დაგაინერესებთ,,,

სააღდგომოდ კვერცხების წითლად შეღებვა ჩვეულებრივი ამბავია.მოდით ,არ შემოვიფარგლოთ მხოლოდ წითელი ფერით და ფერთა სხვა გამაც ვცადოთ…რა თქმა უნდა მარტივი იქნებოდა საკვები საღებავებით კვერცხების შეღებვა, მაგრამ ასევე შეგვიძლია ნატურალურისაღებაბი ბუნებრივი მასალისგან მივიღოთ.

მე თქვენთვის მოვიძიე ინფორმაცია, თუ რომელი ხილი თუ ბოსტნეული უნდა გამოვიყენოთ, რომ ხალისიანი ფერებად შევღებოთ კვერცხები!

განაგრძე კითხვა

გაინტერესებთ რას ფიქრობს თსუ-ს სტუდენტი თავის სასწავლებელზე?

“ბლოგის ტუმრის” სტატუსით  უცვლელად გთავაზობთ ამ სასწავლებლის სტუდენტის,ალეკო თოთაძის  პრეტენზიებს.ვფიქრობ,ბევრს პუნქტების დამატება მოუნდება,ან სულაც არ დაეთანხმება მას.ნებისმიერ შემთხვევაში საკუთარი მოსაზრება კომენტარის სახით მოგვაწოდეთ!

**********************************************************************************************************************

“მეგობრებო ,გაწვდით სასარგებლო ინფორმაციას ჩემი პირადი გამოცდილებიდან თუ რატომ არ უნდა ჩააბაროთ თსუ / TSU-ს მესამე კორპუსსში ჩემ ფაკულტეტზე. მე თვითონ ვსწავლობ ფსიქოლოგიის და განათლების მეცნიერებათა ფაკულტეტზე, ვამთავრებ მესამე კურსს.

განაგრძე კითხვა

სიზმრები ჩვენი ცხოვრების ერთ ერთი ყველაზე იდუმალებით მოცული სფეროა.რომაულ ერაში ყოფილა შემთხვევები, როდესაც სენატს განსახლველად რომელიმე კონკრეტულ სიზმარს წარუდგენდნენ ხოლმე ანალიზისა და ახსნისთვის.ითვლებოდა,რომ სიზმრები — ეს იყო ღმერთების გზავნლები.სიზმრის ამომხსნელები სამხედრო მაღალჩინოსნებს ბრძოლებშიც და კამპანიებშიც დაჰყვებოდნენ!ჩვენ ისიც ვიცით,რომ უამრავმა ხელოვან ადამიანმა შთაგონება და კრეატიული იდეები  მიიღო სიზმრებიდან.

მაგრამ რა ვიცით ჩვენ სიზმრების შესახებ?

მინდა 13 საინტერესო ფაქტი წარმოგიდგინოთ.

განაგრძე კითხვა

ორქიდეაზე  წინა პოსტში ზოგადად ვისაუბრე.ამჯერად კონკრეტული სახეობის ორქიდეაზე მინდა გაგიზიაროთ ჩემი და გამოცდილი ადამიანების გამოცდილება.

ორქიდეია სილამაზის გარდა ბიოლოგიურადაც გამორჩეული ყვავილია!სპეციალისტები ორქიდეებს სამ ჯგუფად ყოფენ: მიწაზე მზარდები, ეპიფიტურები,საპროფიტები.ამჯერად ეპიფიტ ორქიდეაზე,ფელენოფსისზე მინდა ვისაუბროთ.

ორქიდეა ფალენოფსისის(Phaleonopsis) ჯგუფი  ორქიდეათა ოჯახის ყველაზე მრავალრიცხოვანი წარმომადგენელია.არცერთი სხვა ორქიდეა არ ხასიათდება ფერთა და ფორმათა ისეთი მრავალფეროვნებით, როგორც ორქიდეა ფალენოფსისია.

განაგრძე კითხვა