Pinned
عائلات كتير من غزه بتبعتلي ان انزل روابط لحملات التبرع. ف بدأت اجمع الروابط كلها في الصفحه دي عندي و هخليها دايما محدثه. و برضه اي حد هيبعتلي هعمل نشر علي حسابي هنا و برضه هضيفه للصفحه دي
alaa.ninja/gaza-refugees.…
Alaa' attya
42.5K posts
Alaa' attya
@AlaaAttya
A software engineer who cares about engineering principles. Opinions are my own and not the views of my employer
- الصوره دي من ١٢ سنه لما كنت شغال steward بغسل صحون و اطباق كل يوم لمده ١٦ ساعه .كنت بشتغل شفتين ورا بعض و بينهم بنام ساعه تحت الحوض
- من اكتر الحاجات اللي بحبها في السفر مع مراتي ان دايما مش بتخليني يروح عليا الصلاه حتي لو كنا في اي مكان❤️
- سنه ٢٠٠٨ حصلت مشكله مابيني و بين كل صحابي بسبب اقرب صاحب ليا و سببت ليا مشاكل قعدت سنين كتير. و كنت نسيت الموضوع و مشوفتش الشخص دا من يومها و مكنش في بينا اي اتصال. انهاردا و بعد ١٤ سنه الشخص دا بعتلي المسج دي و حقيقي اتبسط جدا و اللي هوا احساس ان الدنيا لسه بخير❤️
- زميلي في الشغل كان مسافر و سايب عندي القط بتاعه. صحيت لقيته قاعد القعده دي و بيبصلي 😂
- في ثانويه مجموعي ٩٢٪ صحابي دخلو هندسه.اهلي كأن في ميتم. بعدها ادخل حاسبات و ربنا يكرم و اشتغل. صحابي الدنيا اتكعبلت معاهم عقبال ما لقيو شغل. بقول لوالدتي محدش كان عارف الخير فين و الحمد لله الواحد لقي شغل و سافرت. قالتلي لا هما احسن منك دخلو هندسه و قاعدين جنب اهلهم مش زيك اتوكس
- بقلِّب في صور قديمه لقيت الصور دي 😅كانت ايام ما كنت بتجوز و اتزنقت في الفلوس ف قررت اوفّر و اشطب الشقه بإيدي. و في اخر اليوم بنام علي الكرتونه في الارض. و دا كله طبعا بعد الشغل كل يوم. اي مواقف او اوقات صعبه بتعدي عليا بفتكر الايام دي و بقول اكيد عمرها ما كانت هتكون اصعب منها
- صديق عمري اتوفي من اكتر من ٥ سنين بنته كانت لسه مكملتش سنتين. شوفت صورتها دلوقتي خلاص قربت تدخل المدرسه و الموضوع صعب جدا. تخيل حد قعد ٧ سنين يحلم يتجوز البنت اللي بيحبها و يكون اسره صغيره. و بعد ما يتجوز يبدا حلم حياته يتحقق هوا ميبقاش موجود. ربنا يرحمك يا نور و يجمعنا في الجنه
- امي و ابويا عمرهم ما راحو اي مصيف غير مرسي مطروح. ف قررت اخدهم و نروح دهب و اروق عليهم شويه. واحنا مروحين سمعت منهم احلي دعوه "روح يابني ربنا يباركلك زي ما خليتنا نشوف اماكن عمرنا ما نحلم بيها" و حقيقي الدعوه دي ظبطت الاجازه تمام اوي و مش عايز اي حاجه تاني ❤️❤️
- A reminder to stop using Vercel🇺🇸 🇮🇱 🇦🇷 Enjoyed my discussion with PM Netanyahu on how AI education and literacy will keep our free societies ahead. We spoke about AI empowering everyone to build software and the importance of ensuring it serves quality and progress. Optimistic for peace, safety, and
- روحت اخد الكتب اللي كنت طالبها من المكتب. ف موظف الريسبشن جهزلي كل ال deliveries اللي جايه بأسمي ف قعدت اعدهم و بعدين قالي where are you from? بقوله from Egypt قالي طب كدا ينفع يامعلم بتعد ورا شيكو 😂😂طلع مصري من امبابه
- بسم الله ما شاء الله. شاب ألماني جه المسجد وقت صلاه عيد الفطر و قرر يعلن إسلامه. حاجه والله تخليك تدمع من الفرحه. ادعوله ربنا يثبته و يحسن إسلامه و ينفع بيه ❤️
00:00 - الاجازه دي اكتر مره حسيت قد ايه ابويا و امي كبرو في السن و قد ايه بقو محتاجين حد جنبهم. اكتر مره ابقي خايف عليهم و ابقي عايز اضرب شقلبظات بس عشان اخليهم مبسوطين. تاني يوم بعد فرح اختي امي كانت قاعده الصبح نفطر قالت ل بابا "هنرجع تاني نقعد لوحدنا زي اول ما اتجوزنا"
- مره زمان مديري كان في احد ال one to one meetings بيكلمني عن انك لازم ديما شكر زمايلك علي اي حاجه ساعدوك فيها. لحد دلوقتي لسه فاكر كلمته A little thanks makes life easier و بقت عاده عندي اي حد بشوفه حتي بيعمل حاجه صغيره اني اشكره حتي برا الشغل
