JavaScript

ჯავასკრიპტის მაგალითი

არ აგერიოთ ერთმანეთში Java და JavaScript

JavaScript (/ˈdʒɑːvɑːˌskrɪpt/; იკითხება: ჯავასკრიპტი; აბრევ. JS /ˈdʒeɪ.ɛs./) — პროგრამირების ერთ-ერთი ფართოდ გავრცელებული ენაა. სახელწოდება JavaScript, როგორც სავაჭრო ნიშანი დარეგისტრირებულია ფირმა Sun Microsystems, Inc-ის მიერ.

JavaScript არის პროგრამირების ენა და ვების ერთ-ერთი ძირითადი ტექნოლოგია (HTML-სა და CSS-თან ერთად). იგი 1995 წელს ბრენდან ეიკმა შექმნა. ამჟამად მას კურირებს Ecma International-ის ტექნიკური კომიტეტი TC39, ხოლო მასთან დაკავშირებულ ვებ-API-ებს W3C კონსორციუმი და WHATWG სამუშაო ჯგუფი მართავენ. 2025 წელს ჯავასკრიპტი GitHub-ზე ყველაზე ფართოდ გამოყენებადი პროგრამირების ენა იყო. თუმცა, 2025 წლის აგვისტოსთვის GitHub-ზე მას გაუსწრო TypeScript-მა — JavaScript-ის სტატიკურად ტიპიზებულმა ზე-სიმრავლემ (superset), რომელიც ტიპების მიმართ უფრო მკაცრ მოთხოვნებს აწესებს.

ჯავასკრიპტს ახასიათებს დინამიკური ტიპიზაცია, პროტოტიპებზე დაფუძნებული ობიექტზე ორიენტირებული მიდგომა და „პირველი კლასის“ (first-class) ფუნქციები. ეს არის მრავალპარადიგმული ენა, რომელიც მხარს უჭერს მოვლენებზე დაფუძნებულ (event-driven), ფუნქციურ და იმპერატიულ პროგრამირების სტილებს. მას გააჩნია აპლიკაციის პროგრამირების ინტერფეისები (API-ები) ტექსტებთან, თარიღებთან, რეგულარულ გამოსახულებებთან, მონაცემთა სტანდარტულ სტრუქტურებსა და დოკუმენტის ობიექტურ მოდელთან (DOM) სამუშაოდ.

ისტორია

JavaScript-ის შექმნილი კომპანია Netscape-ის მიერ, და პირველად ჩართული იყო Netscape Navigator ბრაუზერში. მისი თავდაპირველი სახელწოდება იყო Mocha, შემდეგ LiveScript. იგი წარმოდგენილ იქნა როგორც Netscape Navigator 2.0B3 ვერსიის შემადგენელი ნაწილი 1995 წლის დეკემბერში. Internet Explorer-ში ჯავასკრიპტი გამოჩნდა 1996 წელს, როცა ოფიციალურად გამოვიდა Internet Explorer 3,0 ვერსია.

JavaScript და HTML

JavaScript შეიძლება იყოს HTML-ის შემადგენელი ნაწილი და მოთავსებული იყოს ნებისმიერ ადგილას, შეუზღუდავი რაოდენობით. იგი ყოველთვის მოთავსებულია <script></script> ტეგებს შორის, HTML 4.01 სტანდარტის მიხედვით, type="text/javascript" ტეგის საშუალებით.

კოდის მაგალითი:

<!DOCTYPE html>
<html>
  <head>
    <title>Example</title>
  </head>
  <body>
    <button id="hellobutton">Hello</button>
    <script>
        document.getElementById('hellobutton').onclick = function() {
            alert('Hello world!');                     // Show a dialog
            var myTextNode = document.createTextNode('Some new words.');
            document.body.appendChild(myTextNode);     // Append "Some new words" to the page
        };
    </script>
  </body>
</html>

ვებგვერდზე ეს კოდი გამოჩნდება როგორც <<Hello World!>>

რესურსები ინტერნეტში

• Douglas Crockford's video lectures on JavaScript
• Douglas Crockford's A Survey of the JavaScript Programming Language
• List of languages that compile to JS