Análise da economía galega polo seu presidente

O líder galego lembrou que, conforme pasan os meses, o Xacobeo "vaise acabando" e é "moi difícil" vender produtos como lousa ou peixe a un país que "non compra". "España non compra, e non compra porque ten catro millóns longos de parados"
El Correo Gallego

Unha imaxe vale máis ca mil palabras?

Educación convoca o plurilingüismo en pleno verán. A Nosa Terra

Contra o decreto da diglosia, imposto por Galicia Bilingüe. Preguntas para Anxo Lorenzo

Facendo miñas as verbas do actual secretario de Política Lingüística o 10 de Maio de 2008:

"é o Partido Popular quen está a separarse do vieiro lingüístico consensuado nos anos 80 por motivos de estratexia partidaria (desgastar o goberno)", "nin hai modificación do obxectivo lingüístico final (competencia nas dúas linguas oficiais), nin se está implantando a inmersión lingüística, nin se obriga a ninguén a usar unha lingua ou outra."
"A coartada ideolóxica para non facer máis chegoulles aos gobernos populares da man do bilingüismo harmónico (BH), construto ideolóxico de feble baseamento epistemolóxico que foi deseñado ad hoc para xustificar aquela política lingüística rácana. Agora ben, o BH é un construto partidista promovido exclusivamente polos gobernos fraguistas, sen que en ningún caso formase parte do “consenso lingüístico” inicial."

E que aí están as hemerotecas, fotos, vídeos... para probar que iso é certo.

Manténdose tamén as críticas do Consello da Cultura Galega(.pdf), que están ben resumidas no "Non se pode tratar igual aos desiguais" do seu Presidente, Ramón Villares.

Paso a colar algúns parágrafos do actual borrador prácticamente decretado(.pdf), coas dúbidas que lle solicitei poder preguntar a Anxo Lorenzo no seu Facebook.

Páxina 2, 4º parágrafo

"O Decreto 124/2007, de 28 de xuño de 2007, orientouse nomeadamente cara á obtención dunha competencia axeitada en lingua galega no ensino obrigatorio, sen o establecemento dun número ou porcentaxe mínima de materias impartidas en lingua castelá, o cal podería chegar a cambiar o modelo de conxunción de linguas desenvolvido en Galicia desde o inicio da autonomía e aceptado por todos os galegos e galegas."

Cal é "o modelo de conxunción de linguas desenvolvido en Galicia desde o inicio da autonomía", "desenvolvido" realmente e constatado con datos obxectivos? , e os seus resultados? . Téñense en conta para a elaboración deste decreto?
Quen afirma que foi  "aceptado por todos os galegos e galegas"?

Non sobra este comentario puramente político e parcial?

Páxina 5, Artigo 5.-Educación infantil.
"2. A lingua predominante do alumnado determinarase de acordo co resultado dunha consulta que se efectuará a cada familia antes do comezo do curso escolar acerca da lingua materna do seu fillo ou filla."

E os alumnos que teñen máis dunha lingua materna?
E os pais que prefiran que os seus fillos estuden no idioma que non lle falan? Teñen que mentir?
E os que non teñan por lingua materna o galego ou o castelán?

Páxina 5, Artigo 6.-Educación primaria.
"3. Con carácter xeral, impartirase en galego a materia de coñecemento do medio natural, social e cultural, e en castelán a materia de matemáticas.
4. Sen prexuízo do establecido no punto anterior, as familias do alumnado de cada curso de educación primaria serán consultadas, cada catro cursos escolares, sobre a dita asignación lingüística.
5. A asignación lingüística será modificada polo Consello Escolar do centro educativo cando, como resultado da consulta sinalada no punto anterior, así o determine a metade máis unha das familias do alumnado matriculado na etapa."

Páxina 6, Artigo 7.-Educación secundaria obrigatoria.
"3. Con carácter xeral, impartiranse en galego as materias de ciencias sociais, xeografía e historia, ciencias da natureza e bioloxía e xeoloxía, e en castelán as materias de matemáticas, tecnoloxías e física e química.
4. Sen prexuízo do establecido no punto anterior, as familias do alumnado de cada curso de educación secundaria obrigatoria serán consultadas, cada catro cursos escolares, sobre a dita asignación lingüística."

Por que tanto en primaria coma en secundaria se impartirá por defecto matemáticas en castelán?
Por que se escollen precisamente en secundaria para o castelán:  matemáticas, tecnoloxías e física e química, as materias cuxo léxico máis técnico se descoñecen máis na sociedade galega, na lingua minorizada, na que foi excluída secularmente do ensino, da universidade? Para afondar na diglosia?
É certo que este reparto inicial supón menos materias para o galego na ESO?

Déronlle a escoller as materias a impartir en castelán a Galicia Bilingüe, asociación única para a que o decreto agora "ya pinta bastante mejor"?
E os colexios onde haxa profesores que por este reparto, aos que lle toque nun idioma o fixesen mellor ou fose a súa preferencia noutro?
Por que este reparto inicial non o fai o propio centro, mantendo a obrigatoriedade da metade das troncais para cada lingua cooficial e senón houbese un acordo entre os docentes, que se sortease esa ou esas materias da discordia?

Ou por que non podían ser bloques máis mixtos, tipo Matemáticas en galego, Física e Química en castelán (ou viceversa), por exemplo?
Até dentro de catro anos os pais non poderán escoller matemáticas, tecnoloxías e física e química en galego?
Téñense que manter eses bloques de materias, darse tódalas dun grupo en castelán ou galego?

Páxinas 6, 7. Artigo 9.-Formación profesional específica, ensinanzas artísticas e deportivas.
"2. En todos os módulos garantirase que o alumnado coñeza o vocabulario específico nas linguas oficiais."

Por que o coñecemento do vocabulario específico nas linguas oficiais non se garante tamén en primaria, secundaria e bacharelato?

Páxina 11, Artigo 18.-Exención da cualificación das probas de lingua galega.

Por que non hai tamén exención de até dous anos na cualificación das probas de lingua castelá? Non chegan alumnos de países nos que non se imparte esta lingua? Ou de onde tampouco se imparta inglés?

Páxinas 12, 13. Artigo 21.-Materias non lingüísticas impartidas en lingua(s) estranxeira(s).

"4. En calquera dos supostos sinalados nos dous parágrafos anteriores, e con carácter previo á súa aprobación, o centro deberá cursar a oportuna solicitude á Administración educativa, para os efectos do outorgamento, no seu caso, da correspondente autorización."

Podería prohibir a Administración impartir unha materia en lingua estranxeira aínda que se cumprise tódolos requirimentos deste decreto?

Páxina 13. Segunda.-Materias impartidas en linguas estranxeiras.

"A impartición de materias non lingüísticas en lingua(s) estranxeira(s) regularase mediante orde aprobada pola consellería competente en materia de educación."

Que pretende esta regulación da "impartición de materias non lingüísticas en lingua(s) estranxeira(s)" dunha orde aínda non aprobada?

Páxinas 13, 14. Terceira.-Avaliación da capacitación nas linguas oficiais.

"A consellería competente en materia de educación establecerá un procedemento de avaliación do nivel de competencia nas dúas linguas oficiais en Educación Primaria e en Educación Secundaria Obrigatoria, como garantía da consecución progresiva da competencia semellante en ambas as linguas."

Cando se "establecerá un procedemento de avaliación do nivel de competencia nas dúas linguas

oficiais"? Como vai ser?

Páxina 14. Primeira. Cambio de denominación

"Os “equipos de normalización e dinamización lingüística” dos centros educativos, creados ao abeiro do artigo 18º do Decreto 124/2007, pasan a denominarse “equipos de dinamización da lingua galega”."

Por que hai este cambio de “equipos de normalización e dinamización lingüística” por “equipos de dinamización da lingua galega”. Impúxose a tese de Galicia Bilingüe de que o "normal" é a substitución lingüística do idioma galego polo castelán?, a imposición estatal do castelán?, a inercia que deixou na realidade sociolingüística galega actual tempos pasados como a ditadura? 

Debuxo de Luis Davila, recollida no seu blogue "O Bichero"

O consenso da rúa en que nº se consensa?

“o consenso social existe porque a cordialidade lingüística nas rúas, nos centros de traballo, nas cafeterías, existe. E polo tanto, a cordialidade social, que é o que importa, existe dende fai tempo. A cuestión é si os políticos nos queremos sumar ao consenso da rúa, ou os políticos non se queren sumar ao consenso da rúa”
Alberto Núñez Feijóo, Xunta.es
(Foto de Xornal de Galicia)

Máxico 2009...

O partido que está á fronte da Xunta de Galicia considera que o 2009 foi "un ano máxico" porque supuxo a volta ó Goberno galego da súa formación, nas eleccións celebradas o 1 de marzo, xusto tres anos e medio despois de que Manuel Fraga perdera o poder en San Caetano. Así, destaca que, "pese ás malas noticias como o número de parados e as noticias negativas que chegan desde Madrid, como a subida de impostos ou os agravios comparativos con outras comunidades", merece a pena facer "un balance positivo do ano que termina" no sentido de que lograron sacar do executivo autonómico ó bipartito formado por PSdeG e BNG. Os populares galegos resumen en dúas as boas noticias xeradas pola Xunta aos cidadáns galegos neste ano: a austeridade e a eficiencia no gasto público e a volta á normalidade lingüística coa fin das imposicións.

O PPdeG realiza un balance positivo do "máxico" 2009. Galicia-Hoxe


Feijóo aínda non é capaz de cumprir o contrato cos galegos. Xornal de Galicia

Xornal analiza os 14 puntos do compromiso asinado polo presidente coa cidadanía durante a precampaña electoral

1 EMPREGO

O QUE DI O CONTRATO
“Combater o paro como máxima prioridade do Goberno e recuperar a senda de creación de emprego garantindo a igualdade de oportunidades entre mulleres e homes”.
O QUE SE FIXO
O novo Goberno do PP chegou á Xunta no medio dunha das peores crises económicas que se lembra. O aumento do desemprego en Galicia, nos dous últimos meses, é xa superior á media estatal, ainda que a porcentaxe total continúa a situarse catro puntos por baixo do paro a nivel español (12,3% fronte ao 17,9%). “Recuperar a senda de creación de emprego” segue quedando lonxe e un informe de Funcas xa advirte que chegará ao 17,5% en 2010 na comunidade. Os sindicatos e a oposición piden políticas activas de emprego e lembran que, durante o bipartito, o desemprego non acadou os niveis críticos que si alcanzaba xa no conxunto do Estado.

2 ECONOMÍA

O QUE DI O CONTRATO
“Estratexia económica. Loitar contra a crise apostando polos nosos sectores produtivos cun plan estratéxico a desenvolver por un Goberno unido, coordinado e que saiba establecer prioridades”.
O QUE SE FIXO
Poucos poderán negar a “coordinación” e “unidade” do novo Goberno en materia económica. Máis difícil será o da “aposta polos nosos sectores produtivos”. Caramelo despediu, co beneplácito da Xunta, 234 traballadores na súa planta da Coruña, malia o informe desfavorable de Inspección de Traballo e a posición en contra do comité de empresa. O conselleiro de Economía, Javier Guerra, non dubidou en defender deslocalizacións como as aplicadas nesta fábrica textil e que el mesmo promove nas súas empresas. O sector leiteiro, en grave crise, pide solucións mentres ve como a planta de Pascual en Outeiro de Rei queda en mans de cinco cooperativas vinculadas ao PP, rexeitándose a oferta de Feiraco, que reunía 24 cooperativas e centos máis de explotacións. No eólico, o TSXG vén de anular a suspensión do concurso do bipartito feita polo PP. A nova Lei aprobada no Parlamento, fortemente criticada polo sector, volve embarullar un sector paralizado, que afronta un posible balbordo xudicial e que volve privar o sector produtivo galego dos beneficios do vento.

3 AUSTERIDADE

O QUE DI O CONTRATO
“Eliminar e reducir drasticamente os gastos superfluos en publicidade, altos cargos, asesores, automóbiles ou obras nas dependencias do goberno”.
O QUE SE FIXO
A austeridade foi un dos lemas da campaña de Feijóo e segue a ser o seu comodín no Goberno. Aforrou en asesores e prescindiu das obras nas dependencias da Xunta que tanto lle criticou ao bipartito. Non se sabe nada de cadeiras de luxo, pero 17 dos famosos audis continúan á espera dun comprador, logo das duras campañas contra o parque móbil do anterior Goberno, e os que si se venderon acadaron un prezo moito menor do agardado. A austeridade si afectou á selección galega, ao Culturgal e aos Premios Nacionais de Cultura pero a Consellería de Educación non tivo reparos en gastar 190.000 euros nunha campaña para explicar o novo modelo de axudas para os libros de texto. Microsoft e outras multinacionais non sufriron a crise, ao serlle adxudicados 5 millóns en software para organismos da Xunta.

4 MENOS IMPOSTOS

O QUE DI O CONTRATO
“Reducir a cantidade de impostos autonómicos aos que os cidadáns teñen que facer fronte cada ano e defender a redución de impostos estatais”.
O QUE SE FIXO
O programa do PPdeG prometía a redución do tramo autonómico do IRPF, unha medida que a Xunta de Galicia xa aclarou a Xornal que quedaría aprazada ata despois de 2011 ante a situación da crise económica actual. O presidente do Goberno, Alberto Núñez Feijóo, ao igual que o resto do Partido Popular, criticou a suba de impostos estatais acordada polo Executivo central, pero non logrou frear a medida.

5 SANIDADE

O QUE DI O CONTRATO
“Sanidade con garantías. Mellorar as condicións e a calidade na asistencia sanitaria e reducir as listas de espera, con garantías legais para os pacientes”.
O QUE SE FIXO
A privatización das infraestruturas, os recortes salariais e a rebaixa dos orzamentos centran as críticas á política sanitaria, unha das que está a sufrir máis ataques por parte da oposición e dos sindicatos. O intento da Xunta de eliminar as peonadas puxo en pé de guerra os traballadores sanitarios e provocou que o Goberno recuase un pouco. Agora, Feijóo asegura que unha operación máis pola mañá reduciría en 45.000 pacientes as listas de espera, pero a diminución destas listas continúa agardándose. A conselleira de Sanidade, Pilar Farjas, é duramente censurada polo seu intento de privatización da sanidade pública e a licitación do contrato para construír e explotar o novo hospital do Sergas en Vigo é o último exemplo. A privatización da xestión do sanatorio do Centro Gallego en Bos Aires, que pasará a mans dun grupo privado castelá, foi levado incluso ao Parlamento arxentino, que rexeitou o fondo e as formas da Xunta.

6 DEPENDENCIA

O QUE DI O CONTRATO
“Dependencia efectiva. Dotar aos dependentes e asistentes de garantías para que reciban o servizo que por Lei lles corresponde nun prazo seguro”.
O QUE SE FIXO
Segundo os últimos datos do Observatorio Estatal para la Dependencia, Galicia obtén un cinco raspado na aplicación desta Lei da Dependencia, que tan duramente fora criticada polo PP durante a súa etapa na oposición. Os problemas continúan vixentes e os coidados específicos e a atención sanitaria están sendo substituídos por axudas ás familias. Vigalicia (Vida independente de Galicia) cre que o servizo galego de asistencia persoal queda “en evidencia” fronte a outros. “Dous anos despois da súa posta en marcha, derivou nun proxecto desvirtuado e mal enfocado, inservible para a sociedade”, din.

7 CONCILIACIÓN

O QUE DI O CONTRATO
“Opcións de conciliación. Responder por completo á demanda de pais e nais por unha praza de gardería e flexibilizar opcións para acadar a conciliación da vida persoal, laboral e familiar”.
O QUE SE FIXO
A oposición acusa directamente ao Goberno de Feijóo de manter “pechados” centros de día e galescolas –agora denominadas escolas infantís– “ao non dotalas de material e persoal necesario para o seu funcionamento”. O intento por desfacer todo aquilo que soase a bipartito centrou os esforzos da Xunta no cambio de denominación das garderías, unha das apostas máis aceptadas pola sociedade durante a etapa do anterior Executivo. A rede de escolas infantís posta en marcha por socialistas e nacionalistas continúa adiante, pero “responder por completo á demanda de pais e nais por unha praza de gardería” é un obxectivo ambicioso que Feijóo non pode, nin moito menos, dar por acadado. A prevista unificación de todas as garderías públicas non chega aínda para alcanzar as recomendacións europeas.

8 MOCIDADE

O QUE DI O CONTRATO
“Mocidade en primeiro plano. Ampliar as oportunidades para que os mozos poidan vivir, estudar e traballar na súa terra, con políticas de vivenda efectivas, abrindo máis opcións de formación, e facilitando a súa entrada no mercado laboral”.
O QUE SE FIXO
A taxa de paro xuvenil en Galicia segue sendo das máis altas do Estado, as dificultades para atopar vivenda non diminúen e a emigración entre os máis novos continúa a estar á orde do día. A antiga Consellería de Vivenda quedou incluída na de Medio Ambiente, Territorio e Infraestruturas e as axudas ao alugueiro quedaron diluídas. A austeridade afectou tamén ao sistema I+D galego, que verá reducidas as súas subvencións e as posibilidades investigadoras dos rapaces máis válidos.

9 EQUILIBRIO

O QUE DI O CONTRATO
“Equilibrio territorial. Garantir que todos os galegos teñan as mesmas oportunidades e servizos, vivan onde vivan, sexa no interior ou na costa, en cidades ou no rural”.
O QUE SE FIXO
Os sindicatos agrarios continúan denunciando a degradación do mundo rural, especialmente dun sector leiteiro que non levanta cabeza e que a crise está levando por diante. O interior continúa a despoboarse e os centros de día, fundamentais para o equilibrio territorial das zonas de interior, foron privatizados para aforrar “burocracia e gastos”.

10 MEDIOAMBIENTE

O QUE DI O CONTRATO
“Principios medioambientais. Ligar a política territorial ao medio ambiente e facer do respecto medioambiental un principio irrenunciable en todas as áreas de goberno”.
O QUE SE FIXO
A Xunta meteu man en Sogama, afogada pola polémica durante a última época do bipartito, pero a eficacia dos seus cambios aínda están por ver. A supresión da famosa lei dos 500 metros foi outra das medidas estrela fortemente criticada polos colectivos ecoloxistas, que reciminan tamén a escasa aposta na loita contra o cambio climático. Só a partir de 2013 se levarán a cabo medidas concretas contra o quecemento global e os Orzamentos reducen as partidas para este fin un 50%.

11 INNOVACIÓN

O QUE DI O CONTRATO
“Asumir a innovación como unha actitude de Goberno para permitir que Galicia se adiante a cada crise e poida gañar o seu propio futuro”.
O QUE SE FIXO
A Xunta desmantelou Mancomún e pretende recortar as subvencións aos centros de I+D, o que podería provocar, en palabras dos responsables, “unha nova emigración dos que máis valen”. Porén, a aposta por Microsoft continúa intacta.

12 ADMINISTRACIÓN

O QUE DI O CONTRATO
“Reforma da Administración. Reformar a Administración para gañar en capacidade de resposta e efectividade e facilitar o seu contacto cos cidadáns, eliminando burocracia evitable”.
O QUE SE FIXO
A medida estrela supuxo a creación da figura dos superdelegados, medida criticada pola oposición pero defendida desde a campaña polo Partido Popular. A Xunta reduciu asesores e levou a cabo os cambios que prometera nas consellerías, que agruparon varias áreas antes dispersas.

13 IDENTIDADE

O QUE DI O CONTRATO
“Identidade e liberdade. Recuperar os consensos arredor dos nosos símbolos identitarios, moi especialmente no idioma: o galego ten que ser un instrumento de unión, nunca de imposición e debe garantirse a liberdade para escoller lingua en todos os ámbitos”.
O QUE SE FIXO
Máis de 50.000 persoas contra a política lingüística do PP demostra que o consenso na lingua non foi, nin será, posible. O anuncio dun decreto do ensino que pode deixar o galego nun terzo das materias provocará máis protestas no futuro. A selección galega, o Culturgal ou o Estatuto son outras vítimas do proceso desgaleguizador do Goberno de Feijóo, un dos procesos máis criticados pola oposición, que ve o paso do presidente pola Xunta como un chanzo máis na súa carreira cara a Madrid.

14 DEMOCRACIA

O QUE DI O CONTRATO
“Rexeneración democrática. Gobernar para todos, independentemente das súas preferencias políticas, eliminar prácticas clientelares e aplicar con capacidade de reacción a asunción de responsabilidades nos supostos que correspondan”.
O QUE SE FIXO
As viaxes pagadas pola Deputación de Ourense aos emigrantes, denunciadas por Xornal, demostran que as prácticas clientelares continúan a existir. A pretendida rexeneración democrática abrangue tamén un caso Gürtel do que Feijóo evita responsabilidades, pero que pinga a máis dun dos seus achegados. As mocións de censura, por outra banda, continúan agromando en Galicia, sobre todo en Pontevedra, desde a chegada do PP ao poder.

Ti tampouco es de fiar

"Non haberá máis bipartitos" Vieiros

"Si se dan las circunstancias dentro de tres años y medio de que tenemos una mayoría sólida, aunque no absoluta, para gobernar, tomaríamos la decisión de gobernar. Y si no nos dejan gobernar, que lo haga quien tenga que hacerlo. Que el modelo del País Vasco está ahí ¿Qué puede darse? ¿Que aun no teniendo mayoría absoluta el PP pueda gobernar? Pues puede pasar. Y tampoco pasa nada, si lo deciden los ciudadanos." El País

E que o diga un que foi alcalde d'O Carballiño e conselleiro na Xunta grazas a bipartitos co BNG.
Senón hai un proxecto común nacional porqué o ía haber local? Hai unha ETA en Galiza? Os votantes e, ou os militantes do PSdG prefirirían que gobernase o PP antes que volver gobernar co BNG?

Non sexades derrotistas, e máis ante uns cobardes

Feijóo salienta que a Real Academia Galega é “depositaria da memoria” e achega ao presente “a visión de Galicia como un país que compite unido para superar os problemas e celebrar os logros”. Xunta.es

VS

El presidente de la RAG abre un frente con la Xunta al acusarla de crispar. La Voz de Galicia

VS

Barreiro ataca la política lingüística de la Xunta en presencia de Feijóo. El País

La RAG advierte a Feijóo sobre la «crispación» en materia lingüística. ABC


Barreiro reprende a Feijóo por sembrar la crispación lingüística. Faro de Vigo


A Real Academia acusa a Feijóo de sementar a "discordia" lingüística. Xornal de Galicia


'Non foi a RAG, señor presidente, o que removeu as augas'. A Nosa Terra

Feijoo-RAG: Historia dun desencontro. Vieiros

Que vergoña PSdG !!

"naceu hai un ano e ten varios dirixentes que foron nas listas electorais socialistas. Con todo, a Federación Galega de Medio Ambiente (FEGAMA) recibiu máis de cen mil euros este outubro. Coas subvencións logradas polos seus asociados, a suma é de 622.790 euros, o 54% do que repartiu a Xunta."

"A maioría dos 30 colectivos da FEGAMA foron creados esta lexislatura. A lista de socios é ben curiosa, pois cinco asociacións defínense como “naturistas”, o que popularmente se coñece como nudistas. Varias delas fundadas en lugares inhóspitos para andar espido, como Guitiriz ou Chantada. "

"A Xunta cambiou os criterios das axudas este ano
A FEGAMA acaba de acceder a un gran volume de subvencións, máis de cen millóns das antigas pesetas, xusto despois de que a Consellería cambiase profundamente os criterios da convocatoria. Por exemplo, un dos puntos máis valorados en 2007, “actividades desenvolvidas nos dous últimos anos” desapareceu. A Consellería tamén deixou de valorar outros baremos obxectivos, como o número de voluntarios ou a antigüidade.
A demais, a Xunta lanzou este ano por vez primeira liñas de axudas específicas para federacións; as que só puideron presentarse FEGAMA e FEG. O resultado é que a FEGAMA, sen sumar os seus asociados, recibirá case 180.000 euros. Os seguintes colectivos máis favorecidos na resolución, como a Coordinadora para o Estudo dos Mamíferos Mariños (CEMMA), non chegan aos 30.000."

Un grupo próximo ao PSOE recibe o 54% das axudas. A Nosa Terra

"Non queremos un ecoloxismo fundamentalista e propoñemos unha forma distinta de facer as cousas" Medio Ambiente asigna 622 mil euros para "un ecoloxismo a medida". Vieiros

Ecoloxistas acusan a Medio Ambiente de "amañar" axudas para colectivos afíns. El País

Actualización(17-XI-2008). "É a primeira vez que nos presentamos a unha convocatoria pública e transparente e nas mesmas condicións que outros grupos."
"Levamos anos traballando pero nunca estivemos rexistrados nin saíamos nos medios. Porque todo o faciamos por vocación e ós únicos ós que timaños que renderlle contas era ás nosas familias ou amigos."
Miguel Acuña: "Fuximos do ecoloxismo de laboratorio na busca dun máis próximo ó medio rural e á súa xente" Galicia-Hoxe

É a Generalitat máis de esquerdas cá Xunta?

Nisto polo menos, si.

"Esta lei contempla que a Administración, en determinados supostos, poida expropiar o usufructo de vivendas baleiras para destinalas ao mercado de aluguer social."
Generalitat, constructores e sindicatos asinan o primeiro gran pacto pola vivenda do Estado
"PP e CiU opóñense a un acordo que permitirá construír 50 mil pisos sociais cada ano e rehabilitará máis de 300 mil. Ademais, os propietarios de pisos desocupados estarán obrigados a alugalos"

Como xa dixera, "En Galiza hai 229.360 vivendas baleiras(das 1.308.363 existentes), en Vigo 17.846 dun total de 122.538(Datos do INE no 2001). Co 14'56% dos pisos baleiros a quen lle pode sorprender o tráfico que temos en Vigo?"

Actualizado 11-II-08. "A consellaría que dirixe Teresa Táboas aprobou dende a posta en marcha do programa da Renda Básica de Emancipación (RBE) o 2 de xaneiro, un total de 731 axudas, o que supón o 39 por cento do total estatal, situándoa á cabeza co maior número de concesións, e que supoñen unha subvención media de 187,35 euros."
"A Consellaría de Vivenda e Solo conta tamén cun Programa de Vivenda en Aluguer dirixido a aquelas persoas que non superen os 15.000 euros anuais independentemente da idade. Esta axuda non é compatíbel coa anterior, e ten como obxectivo que os inquilinos non destinen máis do 30 por cento dos seus ingresos ao pago dun aluguer." Galiza á cabeza nas axudas de alugueiro para emancipación
15-IV-08 Galicia ten 10.000 pisos acabados ou en construción que non se venden