30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Սեդա Սաֆարյանի հարցադրումը պնդո՞ւմ էր. հարց Սուրեն Գրիգորյանին․ ՏԵՍԱՆՅՈՒԹ
Քաղաքականություն
29.06.2026 | 15:40
ՔՊ ներկայացուցիչ Սուրեն Գրիգորյանից Factor TV-ն հետաքրքրվեց՝ ինչպես է գնահատում ընդդիմության այն պնդումները, թե ՍԴ դատավոր Սեդա Սաֆարյանի հնչեցրած հարցադրումները իրականում ոչ թե հարց են, այլ պնդում։
«Ըստ իս՝ նիստը նախագահող պարոն Դիլանյանը արդեն բոլոր անհրաժեշտ պարզաբանումները տվել է, այդ մասով ավելացնելու բան չունեմ»,- ասաց Գրիգորյանը։
Իսկ ինչպես է գնահատում «Հայաստան» դաշինքի ներկայացուցիչ Տաթևիկ Սողոմոնյանի այն հայտարարությունը, ըստ որի՝ Սեդա Սաֆարյանը առաջ է տանում ՔՊ-ի թեզերը՝ հարցրինք Գրիգորյանին։ «Ես՝ որպես ՔՊ ներկայացուցիչ, պարզաբանում եմ, որ լրացուցիչ հայտնելու բան այն դիրքորոշմանը, որը հայտնեց պարոն Դիլանյանը, չունեմ»,- եզրափակեց Գրիգորյանը։
Նշենք, որ նիստի ընթացքում ՍԴ դատավոր Սեդա Սաֆարյանը ընդդիմադիր ուժերի ներկայացուցիչներից հետաքրքրվել էր․ «Ես խնդրում եմ պարզաբանել, թե ընտրություններից առաջ, նաև շատ ավելի առաջ, Ռուսաստանի Դաշնության նախագահի և մի շարք բարձրաստիճան պաշտոնյաների խոսքերը, որոնք հիմնականում պաշտպանության տակ էին առնում այս երեք ուժերին և չէին էլ թաքցնում դա, ի՞նչ ազդեցություն կարող էին ունենալ ընտրությունների արդյունքների վրա՝ ընտրողի ազատ կամքի ձևավորման վրա, և ինչո՞ւ այս գործոնը դուրս է մնացել ձեր դիմումի փաստարկներից»։
Մանրամասները՝ տեսանյութում։
