kulupu li tawa ma Tiana tan tenpo 2026-08-09 tawa tenpo 2026-08-16

Image
~ rsamys ~ Leave a comment
Image

mun li len ale e suno. mi wile e sina ale a! ❤️

The meetup is happening in Tiana from August 9 to August 16 There’s going to be a total eclipse. Everyone who can, please come! ❤️

  • https://mallonge.net/maelopa2026 All the information is in toki pona (with some alternatives being available in Esperanto) – if you have any comments or questions, if there’s something you don’t understand, please reach out!
  • We’re sharing a venue and the background orgnanisation with the Esperanto group TEJO for the IJK gathering. In most things, though, the 2 groups will stay separate
  • We need to make a program, ideas and things you could host are very welcome!

kijetesantakalu o! nanpa mute luka tu

waso li kama jo e lipu li lukin e ona li toki: a, kijetesantakalu li pana e lipu tawa mi. lupa taso en sitelen ala li lon lipu. waso li pilin nasa li toki: seme? kijetesantakalu li kama li pana e uta ona lon lupa lipu li pana e mu: mu.
~ rsamys ~ Leave a comment
waso li kama jo e lipu li lukin e ona li toki: a, kijetesantakalu li pana e lipu tawa mi. lupa taso en sitelen ala li lon lipu. waso li pilin nasa li toki: seme? kijetesantakalu li kama li pana e uta ona lon lupa lipu li pana e mu: mu.

mi pali e sitelen musi ni! nimi “kijetesantakalu o” la, ni li sitelen nanpa mute luka tu.

mi pana e sitelen ni tawa lipu tenpo. sina ken lukin e ona lon insa pi lipu tenpo.

sitelen ni la, kijetesantakalu li pana e lipu tawa waso

mi pana e sitelen mi ni kepeken nasin lawa CC-BY. sina nimi e mi la, sina ken kepeken sitelen mi ni.

sina wile lukin e toki ni pi toki Inli la, o lukin e lipu kama ni:
If you want to read a translation, go to the next page:

Pages: 1 2

jan Osawi pi ma Osawi

Image
~ rsamys ~ Leave a comment

sina wile lukin e lipu ni pi sitelen pona la o lukin: jan Osawi pi ma Osawi v1.pdf

lipu pi nasin ante kin li kama lon tan mi ala!
loje Kasenwa li open e pali tawa lipu kiwen. lipu li kama sama ijo lon li kama sama ijo mani tawa lukin a a.
jan Satase li pali e lipu pi nasin Epub.

Image
Image

nanpa open: kon tawa wawa

Image

ma supa suli Kansa lon ma Mewika la, jan Towesi en jan Enwi en jan Me li lon tomo sama. mama pi jan Towesi la, jan Enwi li jan sama. ona li jan pi pali ma pan. jan Me li jan olin ona. kiwen kasi li kama tan ma pi weka suli la, tomo ona li lili. sinpin tu tu en supa sewi wan en supa anpa wan li tomo wan taso tawa jan ale. ona li jo e ilo seli moku wan, e supa wan pi poki moku, e supa moku wan, e supa monsi mute, e supa lape tu. supa lape nanpa wan li suli, li lon poka tomo wan, li tawa jan Enwi, li tawa jan Me. supa lape nanpa tu li lili, li lon poka tomo ante, li tawa jan Towesi. sewi la, tomo li lon ala. anpa kin la, tomo li lon ala. taso lupa li lon anpa ma, li ken awen e jan tan tawa pi kon wawa. kon li tawa wawa sike la, tawa kon li ken pakala e tomo a! jan li open e supa lili la, ona li ken tawa anpa kepeken palisa nasin, li ken lon insa pi lupa anpa pimeja lili ni.

Image

jan Towesi li lon lupa pi sinpin tomo. ona li lukin e ma ale la, ona li ken lukin e ma suli supa taso pi kule ma. kasi suli en tomo li pini e nasin lukin lon ma ala. supa taso li suli la, ma en sewi li kama wan lon weka suli tawa lukin lon poka ale. suno li seli e ma, li weka e kule tan ma, li kama e linja lupa lili mute lon ma. kasi anpa kin li laso ala. suno li seli e sewi kasi la, kule ona kin li kama sama ma ale. jan li pana e kule tawa tomo lon tenpo pini. taso suno en telo sewi li pakala e kule ni kin. tenpo ni la, tomo li suwi ala tawa lukin, li kule weka sama ale ante.

Continue reading “jan Osawi pi ma Osawi” →
Pages: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25

kijetesantakalu o! nanpa mute luka wan

kijetesantakalu li jo e lipu li tawa poki lipu li toki: mi wile tawa e lipu. waso li wile sona: tawa seme? kijetesantakalu li pana e sona: tawa tomo sina. kijetesantakalu li pana e lipu tawa uta poki. waso li toki: taso mi lon, sina ken toki tawa mi. kijetesantakalu li toki: pona, mi tokit awa sina, taso mi wile toki tawa sina lon tenpo ante kin
~ rsamys ~ Leave a comment
kijetesantakalu li jo e lipu li tawa poki lipu li toki: mi wile tawa e lipu. waso li wile sona: tawa seme? kijetesantakalu li pana e sona: tawa tomo sina. kijetesantakalu li pana e lipu tawa uta poki. waso li toki: taso mi lon, sina ken toki tawa mi. kijetesantakalu li toki: pona, mi tokit awa sina, taso mi wile toki tawa sina lon tenpo ante kin

mi pali e sitelen musi ni! nimi “kijetesantakalu o” la, ni li sitelen nanpa mute luka wan.

mi pana e sitelen ni tawa lipu tenpo. sina ken lukin e ona lon insa pi lipu tenpo.

sitelen ni la, kijetesantakalu li wile pana e lipu tawa waso

mi pana e sitelen mi ni kepeken nasin lawa CC-BY. sina nimi e mi la, sina ken kepeken sitelen mi ni.

sina wile lukin e toki ni pi toki Inli la, o lukin e lipu kama ni:
If you want to read a translation, go to the next page:

Pages: 1 2

kijetesantakalu pi sijelo ante #2

Image
~ rsamys ~ Leave a comment

mi lon kulupu sitelen la mi o sitelen e jan. pona la mi sona sitelen e jan. ona li kijetesantakalu:

Image

taso kulupu li kama sona e nasin sijelo ni ala e nasin sijelo ante a. kijetesantakalu pi sitelen mi li sike suwi. jan pi sitelen kulupu li sama ala li suli sewi. luka pi jan ni li noka lon tenpo ala. ona li kepeken noka monsi ona taso lon ma taso. ona li len e sijelo ona. ni la mi kepeken nasin pi kulupu sitelen:

Image

ni la mi kama tawa lili e kijetesantakalu. taso kijetesantakalu taso li lon, ijo ante ala li lon la musi li lili. mi o ante e ni lon tenpo. ante pi lili taso la mi pana e poki tawa luka pona. tenpo pi kulupu sitelen la mi o sitelen e sinpin pi jan mi e monsi pi jan mi lon lipu sama lon pali sama pi jan mi. ni la, kijetesantakalu li lukin len e poki lon monsi ona:

Image

seme ante li ken lon poka ona? a! waso…

kijetesantakalu o! nanpa mute luka

waso li mu pona a: mu mu mu mu. kulupu lukin li pana e kasi suwi lili mute tawa ona. ona li kama jo e kasi lon uta li tawa la kijetesantakalu li kalama ike: kalama. kulupu lukin li pana e kili ko mute tawa ona. ona li kama jo e kili ale lon luka ona li tawa
~ rsamys ~ Leave a comment
waso li mu pona a: mu mu mu mu. kulupu lukin li pana e kasi suwi lili mute tawa ona. ona li kama jo e kasi lon uta li tawa la kijetesantakalu li kalama ike: kalama. kulupu lukin li pana e kili ko mute tawa ona. ona li kama jo e kili ale lon luka ona li tawa
waso li mu pona a: mu mu mu mu. kulupu lukin li pana e kasi suwi lili mute tawa ona. ona li kama jo e kasi lon uta li tawa la kijetesantakalu li kalama ike: kalama. kulupu lukin li pana e kili ko mute tawa ona. ona li kama jo e kili ale lon luka ona li tawa

mi pali e sitelen musi ni! nimi “kijetesantakalu o” la, ni li sitelen nanpa mute luka.

mi pana e sitelen ni tawa lipu tenpo. sina ken lukin e ona lon insa pi lipu tenpo.

sitelen ni la, waso en kijetesantakalu li kalama

mi pana e sitelen mi ni kepeken nasin lawa CC-BY. sina nimi e mi la, sina ken kepeken sitelen mi ni.

sina wile lukin e toki ni pi toki Inli la, o lukin e lipu kama ni:
If you want to read a translation, go to the next page:

Pages: 1 2

jPepa&sKawa: nanpa mute luka luka luka tu tu

Image
~ rsamys ~ Leave a comment

mi ante toki e lipu nanpa mute luka luka luka tu tu pi jan Pepa&soweli Kawa! o lukin e ni: https://www.peppercarrot.com/tp/webcomic/ep39_The-Tavern.html

jan Eta en jan Tamalu li lukin e ona, li pona e ona. ona li pona mute.

(nasin lawa sitelen li nasin Creative Commons Attribution 4.0. musi en toki en sitelen li tan jan David Revoy)

Continue reading “jPepa&sKawa: nanpa mute luka luka luka tu tu” →
Pages: 1 2