Wikipedia

an holloueziadur digor ha frank, savet gant an holl.

Pennad dre zegouezh · Skoazell ha kregiñ ganti · Kumuniezh

Pennad ar miz

Sophie Scholl (ganet d'an 9 Mae 1921 e Forchtenberg ha marvet d'an 22 C'hwevrer 1943 e München) a oa ur stourmerez politikel alaman e-pad an Eil Brezel Bed, hag unan eus pennoù ar Rozenn Wenn (Die Weiße Rose).

Evel an holl re yaouank e voe ret dezhi kemer perzh e kevredigezhioù yaouankiz nazi. Gouzañv a rae dre ma veze krennet war ar frankiz, da soñjal ha da gaout ur relijion. War-lerc'h he bachelouriezh e 1940 ez eas da ziwallerez bugale. Goude-se e stagas gant studioù bevoniezh ha prederouriezh e miz Mae 1942 e München.

Abalamour d'he deskadurezh katolik, d'an enebiezh krenn embannet gant he zad ouzh an naziouriezh, da skiant-prenañ he breur, soudard ha studier war ar vezegiezh, ha goude klañvgarrour en ospitalioù talbenn ar Reter, e tigoras he daoulagad war stad Alamagn.

Adalek miz Mezheven 1942 en em vode gant he breur Hans ha Carl Muth hag o sikour a reas da embann ha da skignañ traktoù a-enep ar renad nazi hag ar brezel. Teurel traktoù a reas e porzh diabarzh skol-veur München ha diskuliet e voe d'ar Gestapo gant porzhier ar skol-veur. Harzet e voe Sophie hag he breur d'an 18 a viz C'hwevrer 1943 ha kaset dirak ar Lezvarn ar Bobl. Kondaonet e voe d'ar marv goude ur vreutadeg teir eurvezh hepken.

Dibennet e voe d'an 22 a viz C'hwevrer 1943 e München. Kalonek e tiskouezas bezañ en deiz-se hervez testeni gwarded an toull-bac'h.

En Alamagn ez eus bet lakaet un toullad mat a skolioù en anv Sophie ha Hans Scholl.

muioc'h...

Keleier

Gwelet ivez Keleier ar vro.

28 a viz C'hwevrer : bombezet eo Iran gant Israel hag an SUA, lazhet eo Ali C'hamenei (skeudenn) ha degadoù a dud nann-soudard.
27 a viz C'hwevrer : bombezet eo Kaboul ha Kandahar gant aerlu Pakistan ha disklêriet eo ar brezel etre Pakistan hag Afghanistan.
23 a viz C'hwevrer : Rob Jetten a zeu da vezañ Kentañ Ministr an Izelvroioù.
22 a viz C'hwevrer : Nemesio Oseguera Cervantes, penn ar Cártel de Jalisco Nueva Generación, a zo lazhet gant an arme vec'hikan. Emsavioù feuls a zo en ugent stad eus Mec'hiko.
17 a viz C'hwevrer : ur fallaenn war an Heol zo en ul lodenn eus Antarktika, Meurvor ar Su, Afrika ar Su ha mervent Meurvor Indez.
15 a viz C'hwevrer : marvet eo an aktour ha sevener stadunanat Robert Duvall.
8 a viz C'hwevrer : e Portugal eo dilennet, en eil tro, ar sokialour António José Seguro da brezidant ar Republik.
6 a viz C'hwevrer : lid-digeriñ ar C'hoarioù olimpek goañv en Italia, e pevar lec'h war un dro : Milano, Cortina d'Ampezzo, Livigno ha Predazzo.
1añ a viz C'hwevrer : dilennet eo Laura Fernández Delgado da brezidantez Costa Rica.
31 a viz Genver : ouzhpenn 200 den zo lazhet en emgannoù etre Arme Dieubidigezh Baloutchistan hag arme Pakistan, e Baloutchistan.

A-zivout ar Wiki

Evit kaozeal diwar-benn kement tra a denn d'ar Wikipedia brezhonek, kit bep an amzer d'ober un dro betek Tavarn ar wikipedourien.
Taolit ur sell ouzh ar pennadoù nevez-voulc'het gant hor c'henlabourerien ha roit dorn d’o reizhañ, d’o gwellaat, d’o astenn, d’o fonnusaat. Gallout a ra neb a gar degas kemmoù d’ar pennadoù. Sellit ouzh penaos kemmañ ur bajenn, pe c’hoazh ouzh roll ar fazioù stankañ.
Porched ar gumuniezh: amañ e kavo ar re nevez ar pep retañ da c'houzout
Roll ar porchedoù: eno e vo kavet pennadoù a bep seurt

Ha gouzout a raec’h ?

Ar c'hentañ kamp-bac'h nazi a oa bet digoret e Nohra d'an 3 a viz Meurzh 1933 en ur skol dre ma oa bet re a brizonidi en toulloù-bac'h goude harzadenn komunourien Alamagn.
Gourhael ha Sant-Martin-war-ar-Maez eo an div gumun nemeto e Breizh hep iliz ebet.
Ganet eo bet ar c’hourser Roparzh Surcouf e Sant-Maloù.
Anna Breizh zo bet rouanez Bro-C’hall div wech.
Tost 3 000 maen zo e steudadoù Karnag.
Edward Woodville, Lord Scales lesanvet "ar marc'heg kantreer diwezhañ" a zo marvet e-kerzh Emgann Sant-Albin-An-Hiliber e 1488.
An ostilh koshañ d'ober tan, un tamm maen houarnek bet skoet gant kailhastr 400 000 bloaz 'zo, zo bet kavet e Menez-Dregan, e Breizh.

Ur raktres deus ar Wikimedia Foundation eo Wikipedia.

Commons
Bank roadennoù liesvedia
MediaWiki
Diorren poelladoù
Meta-Wiki
Kenurzhiañ
Wikilevrioù
Levrioù ha testennoù frank
Wikiroadennoù
Diaz anaoudegezh
Wikikeloù
Keloù digor
Wikipedia
Holloueziadur
Wikiarroud
Dastumad arroudennoù
Wikimammenn
Al levraoueg dieub
Wikispesad
Roll ar spesadoù bev
Wikiskolveur
Binvioù frank evit deskiñ
Wikeriadur
Geriadur & tezorus