Aminda Radio Esperanto

Post la enkondukaj paĝoj pri lokaj novaĵoj, la junia numero de Panoramo de la Granda Insulo prezentas la renoviĝon de la malagasa Esperanto-movado per novaj estraroj kaj reta voĉdonado. Sekvas prezento de Andranomena kiel rapide evoluanta kvartalo apud Antananarivo. La literatura parto enhavas tri originalajn poemojn verkitajn de Henriel. Artikolo pri la kasto Antevolo klarigas ĝiajn historiajn originojn, persistantan diskriminacion kaj strebojn al socia integriĝo. Historia biografio omaĝas la diplomaton Jean-Pierre Razafy-Andriamihaingo. Intervjuo kun emeritiĝonta instruistino el Analavory priskribas la ĉiutagajn defiojn de baza edukado en nia kamparo. Alia rubriko montras la kreskantan intereson de gejunuloj pri veldado kiel profesia ŝanco. La lingva paĝo proponas praktikan lecionon pri la malagasa. La numero finiĝas per speciala dosiero por la ferioj kaj malkovrigas al la gelegantoj niajn subĉielajn bazarojn.

Se la vivo kaj la popolo de Malagasio vekas vian intereson, ne hezitu aboni al Panoramo de la Granda Insulo. Informoj pri abonado aperas en la tria foto de la gazeto.

La maja numero de nia monata gazeto pdf Panoramo de la Granda Insulo raportas kiel kutime pri diversaj aspektoj de la vivo de Malagasoj kaj de la vivsituacio en nia lando Malagasio. Nia rubriko pri kulturo parolas pri la vivo de lingvisto pri la malagasa Prof. Siméon Rajaona. Alia rubriko traktas pri la mpanotra aŭ tradicia masaĝist(in)o dum iu alia koncernas la rapidan disvastiĝon de la naciisma partio MDRM en 1945-1946. Ni ne forgesis proponi al niaj gelegantoj du fabelojn betsileo. Ankaŭ aliaj temoj estas pritraktitaj por kontentigi la scivolemon de niaj gelegantoj. Se ankaŭ vi deziras malkovri Malagasion kaj ĝian gastaman popolon, ne hezitu aboni al Panoramo de la Granda Insulo. La jara abonkosto estas €30 pageblaj al nia amiko kaj abonperanto Eric Eliard (Francio) diversmaniere (per ĉeko aŭ per Paypal) aŭ al la UEA-konto « fidi-d » de la redaktoro (kun la mencio Panoramo). Abonante al nia gazeto, vi subtenas unu el la plej rimarkindajn perEsperantan laboron en Afriko !

La aprila numero de nia monata kaj ilustrita gazeto Panoramo de la Granda Insulo emfazas aktualecon kaj memoron: i.a. temoj, ĝi raportas pri la sekvoj de la ciklono Gezani en Toamasina kaj prezentas en kvar paĝoj freŝajn novaĵojn de la monato. Samtempe, la numero revizitas gravajn historiajn kaj kulturajn demandojn, kiel la rolo de la protestantaj misioj depost 1820 kaj la nepran neceson arĥivi niajn esperantaĵojn. Pripenso pri la malfavoraj sekvoj de la nova teknologio por nia socio, babilado kun olda kuracisto el la sudo, kaj inico al la malagasa lingvo kompletigas tiun riĉan panoramon de la malagasa vivo.

Se ankaŭ vi scivolas pri nia bela lando Malagasio kaj ties gastama popolo, abonu al nia Pdf-gazeto. La jarabono kostas € 30 ĝireblaj en la UEA-konton « fidi-d » (bv mencii : abono al Panoramo) aŭ per Paypal uzante la apon Xoom (kiu kunlaboras kun lokaj telefonaj bankkontoj). Agrablan legadon al vi ĉiuj !

Esperanto kaj ni rememorigas la historion de la revuo Inter Ni kaj por la nuna generacio de esperantistoj en Malagasio. Artikolo pri kristanismo kaj la merina tradicio en la 19a jarcento esploras la renkontiĝon inter kredo, politiko kaj loka kulturo. Du tradiciaj fabeloj prezentas moralajn mesaĝojn kaj transdonas popolajn valorojn al ni ĉiuj. La rubriko Konatiĝi kun iu loko promenigas nin tra la kvartalo Befelatanana. Medio kaj nia farto raportas pri la polemikoj rilate la konstruadon de la aŭtovojo Antananarivo-Toamasina. Historia paĝo kolektas la reagojn pri la 29a de marto 1947. La  rubriko Lokaj novaĵoj prezentas al la legantaro kelkaj freŝajn novaĵojn. Vivo de ordinarulo sekvas ŝtatoficiston dum lia laboro kaj familia rutino, donante konkretan bildon pri la ĉiutaga realaĵo. Lingva angulo proponas unuan konversacion inter fremdulo kaj Malagaso, helpante komencantojn eklerni bazajn esprimojn. Fotoj pelmele prezentas momentojn de loka vivo kun mallongaj komentoj. La enhavo celas montri diversajn perspektivojn de la malagasa socio tra kulturaj, historiaj kaj lingvaj vidpunktoj. Ankaŭ vi povas aboni al nia gazeto, la jarabono kaj subteno al la redaktoro kostas 30€.

La januara numero 2026 de Panoramo de la Granda Insulo prezentas multteman panoramon de la malagasa socio, kunigante lingvajn, kulturajn, historiajn, mediajn kaj sociajn perspektivojn.

La numero malfermiĝas per bilanco pri la agadoj de Esperanto Plus 2025 en Malagasio, montrante la edukajn dinamikojn de la movado kaj ĝian rolon en la interkulturo. Kultura heredaĵo estas traktata per la prezentado de tradiciaj praktikoj, kiel la uzado de ĉaro kaj ĉareto, kaj per la esperantigo de la Betsimisaraka fabelo “La bova ledo, kiu fariĝas graveda bovino”, kontribuante al la valorigo de la parola literaturo.

La media dimensio speguliĝas per esplorado pri birdoj en la natura parko Bemanevika kaj per la raportado pri la bova raso Renitelo. Historian konscion pritraktas teksto pri koloniisma terurigo en Malagasio, dum la socia aktualaĵo aperas en lokaj novaĵoj kaj en la rubriko “Vivo de ordinarulo”, dediĉita al la ĉiutaga sperto de iu malagasa virino.

Lingva edukado estas reprezentata per enkonduko al la adverbo en la malagasa lingvo, kaj la numero fermiĝas per kvar fotoj kun komentoj pri la loka vivo.

Ankaŭ vi povas pli scii pri la malagasa popolo kaj nia lando Malagasio se vi abonas al Panoramo de la Granda Insulo, monata revuo en formato Pdf, kies jara abono kostas 30 eŭrojn. Sur la foto montriĝas la pagmanieroj.

La decembra numero de Panoramo de la Granda Insulo invitas la leganton al riĉa kaj nuancita malkovro de Malagasio, inter aktualaĵoj, kulturo kaj ĉiutaga vivo. Tiu eldono proponas samtempe rigardon al la evoluo de la loka Esperanto-movado, meditojn pri nia kultura identeco, kaj analizojn pri aktualaj temoj, kiel la uzado de Artefarita Inteligento en la lando.

La numero ankaŭ malfermas fenestrojn al la malagasa socio per iu fabelo el la betsimisaraka tradicio, historia artikolo pri internacia traktato inter la merina reĝlando kaj Anglio, portreto de ordinara vivo, kaj prezento de la kvartalo Besarety en Antananarivo. Lingvemuloj trovos artikolon pri la uzado de adjektivo en la malagasa lingvo, dum la festotempo estas prilumata per artikoloj pri kristnasko kaj tradiciaj festoj, inkluzive de la fama rhum arrangé.

Per artikoloj, fotoj kaj tradukoj, Panoramo celas kunigi informadon kaj kulturperadon, proponante al internacia publiko aŭtentan kaj allogan panoramon de la Granda Insulo en la fino de la jaro. Ne hezitu do aboni al PANORAMO DE LA GRANDA INSULO, la jarabono kostas 30€ por 10 numeroj en Pdf-a formato. Feliĉan jarfinajn festojn kaj al vi ĉiuj, sukceson por la nova jaro 2026 !

En ĉi tiu numero de Panoramo vi trovos riĉan elekton de artikoloj pri la vivo, kulturo kaj historio de Malagasio, same kiel originalajn kontribuojn al la Esperanta mondo.

• Vivo de lokaj esperantistoj – Portreto de Gervais Randrianasolo, la sola esperantisto-ministro en nia lando.
• Malagasa kulturo – Prezento de la Mahafaly-tribo, kun rigardo al iliaj tradicioj kaj identeco.
• Originala prozo – Emocia novelo: La forpaso de mia ekskoramikino verkita de Henriel
• Konatiĝi kun iu loko – Malkovru la Nacian Parkon Zombitse-Vohibasia en Toliara, unu el la plej interesaj naturaj regionoj de la sudo.
• Medio – Klarigo pri nova, moderna koncepto pri rearbarigo kaj ĝaj avantaĝoj por la lando.
• Historio – Analizo pri la ribelado en la sudo en novembro 1904, grava sed ofte neglektata evento de nia historio.
• Internacia literaturo – Literatura eĥo el Ukrainio, kun prezento de la poeto A. Dron.
• Vivo ĉiutaga – Rakonto pri Andry, agento pri sekureco
• Malagasa lingvo – Utilaj klarigoj pri la verbaj modoj en la malagasa lingvo.
• Elektitaj fotoj – Buntaj bildoj kaptitaj tra la lando.

Nun estas la momento por (re)aboni al PANORAMO DE LA GRANDA INSULO. Jara abonpago kostas 30 € pagebla per Paypal (henrielredtv*gmail.com [Aminda Butik’]) aŭ per UEA-konto « fidi-d » kun la mencio Panoramo.

La oktobra eldono de Panoramo prezentas riĉan miksaĵon de kulturo, lingvo, medio kaj ĉiutaga vivo en Malagasio, ĉio tra la prismo de esperanta pensmaniero. Sub la inspiro de la ĉefa temo “Gen Z-movado renversis mafian regadon”, la numero malfermiĝas per pripenso pri la rolo de Esperanto en nia lando kaj la revoj de la redaktoro pri ĝia estonteco. Sekvas kultura esploro pri la tribo Bezanozano, kiu montras parton de la identeco kaj tradicioj de la malagasa popolo.

La sekcio “Originale en Esperanto” proponas du poemojn, kiuj donas voĉon al la kreiva flanko de la loka esperantistaro. La rubriko “Konatiĝi kun iu loko” kondukas la leganton al Lemurs’ Park ĉe la rivero Ankatsaoka, ne tre konata natura parko apud Antananarivo. En la sekcio “Medio kaj nia farto”, artikolo pri ekspluatado kaj uzado de granito atentigas pri la graveco de tiu materialo en la  ekonomia vivo.

La historia rubriko omaĝas Marie Zénaïde Ramampy, figuro el la malagasa historio. Poste, kvar paĝoj de novaĵoj de la monato resumas gravajn aktualajn eventojn. La sekcio “Vivo de ordinarulo” rakontas la ĉiutagon de Odyle, ŝtatoficistino ĉe la Ministerio pri laboro. Fine, la lingvoŝatantoj trovas utilan lecionon pri la prepozicio en la malagasa lingvo, kaj la numero finiĝas per kolekto de diversaj fotoj, kiuj bildigas la ĉiutagan vivon de la ordinara civitano.

Ankaŭ vi rajtas ĝui el tiu plezuriga ĉiĉeronado tra la bela insulo Malagasio ! Abonu do al nia gazeto pagante 30 eŭrojn por la 10 numeroj. Informoj pri la abonado troviĝas sur la foto.

Ni invitas vin ĉiujn viziti nian novan kaj trilingvan retpaĝon ESPERANTO MALAGASY ĉe https://www.esperanto-malagasy.mg . Bv diskonigi ĝin al geamikoj kaj gesubtenantoj de la malagasa Esperanto-movado. Viaj komentoj estas bonvenaj !

La septembra numero de Panoramo de la Granda Insulo proponas riĉan miksaĵon da kulturo, historio kaj aktualaĵoj el Malagasio. Intervjuo kun la juna ĉeestinto de la IJK en Indonezio starigas la tonon, dum artikoloj pri malagasaj virinoj kaj pri la urbo Ampitatafika prilumas niajn radikojn. Originala novelo verkita de Henriel, esploro pri nekonata diplomatio inter la merina reĝlando kaj Usono, same kiel raportoj pri la medio kaj pri la vivo de ordinaruloj, pliprofundigas la legadon. Fotoj kaj paĝo pri la malagasa lingvo kompletigas la numeron por diversa kaj alloga travivaĵo. Ne hezitu aboni al nia gazeto pagante 30€ la jaran abonkoston.