1617

Ár

Áratugir

Aldir

Árið 1617 (MDCXVII í rómverskum tölum) var sautjánda ár 17. aldar sem hófst á sunnudegi samkvæmt gregoríska tímatalinu en miðvikudegi samkvæmt júlíska tímatalinu sem er tíu dögum á eftir.

Ísland

Konungsbréf Kristjáns 4. Danakonungs, „Um töframál“ eða „Troldfolck och deris Medvidere“, varð til þess að hægt var að dæma fyrir galdur þótt enginn hefði hlotið skaða af honum. Ákvæðið var þó ekki lögtekið á Alþingi fyrr en 1630.

27. febrúar - Ingrísku styrjöldinni lauk með Stolbovo-samningnum milli Rússlands og Svíþjóðar. Svíþjóð fékk þar meðal annars löngin Ingríu og Rússland missti aðgang að Eystrasalti.
24. apríl - Ráðgjafi Mariu de'Medici, Frakklandsdrottningar, Concino Concini, var myrtur af útsendurum Loðvíks 13. sem tók stjórn landsins í sínar hendur.
3. maí - Maria de'Medici var rekin í útlegð í Blois-höll.
8. júlí - Leonora Dori, hirðmey Mariu de'Medici var tekin af lífi ákærð fyrir galdra.
9. október - Pavíasamningurinn var gerður milli Spánar og Savoja og fól í sér að Savoja skilaði Mantúu héraðinu Montferrat.
12. október - Gústaf Adolf 2. var krýndur konungur Svíþjóðar í Uppsölum.
22. nóvember - Akmeð 1. Tyrkjasoldán lést og bróðir hans Mústafa 1. tók við.
24. desember - Tíu skip sukku í stormi undan Finnmörku í Noregi. Síðar kvaðst kona að nafni Mari Jørgensdatter hafa átt við skipin ásamt öðrum nornum. Það leiddi til nornaofsóknana í Vardö.